Türkiyə Mərkəzi Bankının yeni qərarı
Dekabrın 21-də Türkiyənin Mərkəzi Bankı uçot dərəcəsini (banklara verilən borclar üzrə faiz dərəcəsi) 42,5 faizə qaldırıb.
İyunun 22-də uçot dərəcəsi 8,5 faizdən 15 faizə yüksəlmiş, iyulun 20-dən 17,5 faiz, avqustun 24-dən 25 faiz, sentyabrın 21-dən 30 faiz, oktyabrın 26-dan 35 faiz, noyabrın 23-dən 40 faiz həddi qüvvəyə minmişdi.
Qərarlar Türkiyə lirəsinin dəyər itirməsini dayandırmağa yönəlib. Hazırda ABŞ dollarının rəsmi satış qiyməti 29,1 lirəni ötür. 2023-cü il 18,7 lirə ilə start götürüb.
Azərbaycan Mərkəzi Bankı dekabrın 21-də 100 lirəni 5 manat 84 qəpiyə təklif edir.
2021-2022-ci illərdə 100 lirənin rəsmi kursu 22 manat 91 qəpikdən 9 manat 9 qəpiyə düşüb.
2023-cü il də devalvasiya ilə keçir: yanvar 9 manat 7 qəpik, fevral 9 manat 4 qəpik, mart 9 manat, aprel 8 manat 86 qəpik, may 8 manat 74 qəpik, iyun 8 manat 19 qəpik, iyul 6 manat 53 qəpik, avqust 6 manat 31 qəpik, sentyabr 6 manat 36 qəpik, oktyabr 6 manat 20 qəpik, noyabr 6 manat, dekabr 5 manat 88 qəpiklə başlayıb.
