Orta maaş hədləri
Dövlət Statistika Komitəsi 2023-cü il noyabrın 1-nə Azərbaycanın muzdlu işçilərinin orta aylıq nominal əməkhaqqını 921,1 manat (neft-qaz sektorunda 3491,7 manat, başqa sektorlarda 872,1 manat, dövlət müəssisələrində 886,8 manat, özəl müəssisələrdə 958,5 manat) göstərib. İqtisadi fəaliyyət növləri orta maaşa görə belə sıralanıb:
mədən sənayesi – 3353,1 manat;
maliyyə və sığorta fəaliyyəti – 2330,1 manat;
peşə fəaliyyəti, elmi və texniki fəaliyyət – 1536,8 manat;
informasiya və rabitə – 1494,2 manat;
dövlət idarəetməsi və müdafiə; sosial təminat – 1308,9 manat;
nəqliyyat və anbar təsərrüfatı – 1261,3 manat;
tikinti – 1048,3 manat;
elektrik enerjisi, qaz və buxar istehsalı, bölüşdürülməsi və təchizatı – 955,4 manat;
daşınmaz əmlakla əlaqədar əməliyyatlar – 877,4 manat;
emal sənayesi – 835,9 manat;
əhaliyə səhiyyə xidməti və sosial xidmətlərin göstərilməsi – 796,9 manat;
istirahət, əyləncə və incəsənət sahəsində fəaliyyət – 721,3 manat;
turistlərin yerləşdirilməsi və ictimai iaşə – 717,2 manat;
təhsil – 704,7 manat;
su təchizatı, tullantıların təmizlənməsi və emalı – 689,7 manat;
ticarət; nəqliyyat vasitələrinin təmiri – 625,2 manat;
inzibati və yardımçı xidmətlərin göstərilməsi – 553,7 manat;
kənd təsərrüfatı, meşə təsərrüfatı və balıqçılıq – 545,7 manat;
digər sahələrdə xidmətlərin göstərilməsi – 1073,9 manat.
Ölkədə minimum aylıq əməkhaqqı 345 manatdır.
Dekabrın 1-nə iqtisadi fəal əhalinin 4 milyon 962,6 min nəfəri məşğul şəxslər, 227,4 min nəfəri rəsmən işsiz kimi rəsmiləşib.
