İxracın ilkin rəqəmləri
İqtisadi İslahatların Təhlili və Kommunikasiya Mərkəzinin ilkin hesabatına görə, 2023-cü ilin yanvar-noyabr aylarında Azərbaycanın ixracı 31,5 milyard ABŞ dolları dəyərində rəsmiləşib.
Qeyri-neft ixracının 2022-ci ilin 11 ayı ilə müqayisədə 10,5 faiz artaraq 3 milyard dollara yüksəldiyi bildirilir.
Elektrik enerjisi ixracında illik artım 3,1 dəfə, spirtli və spirtsiz içkilərin ixracında 2,5 dəfə, plastmas və ondan hazırlanmış məmulatların ixracında 22,1 faiz, qara metallardan hazırlanmış məmulatların ixracında 16,4 faiz, meyvə-tərəvəz ixracında 8,1 faiz göstərilir.
