Gürcüstan: ərzaq 3,1 faiz ucuzlaşıb
Gürcüstanın Milli Statistika Xidməti bildirir ki, noyabrda istehlak 2022-ci ilin eyni ayına nəzərən 0,1 faiz bahalaşıb. Mehmanxana və ictimai iaşə xidmətlərində qiymət artımı 6,6 faiz, spirtli içkilər və tütün məmulatlarında 5,1 faiz, təhsil sahəsində 3,6 faiz, kommunal xidmətlərdə 3,4 faiz, nəqliyyat xidmətlərində 2,5 faiz göstərilir.
Hesabata görə, səhiyyə xidmətləri 4,3 faiz, mebel və məişət əşyaları 3,5 faiz, spirtsiz içkilər və ərzaq 3,1 faiz, rabitə xidmətləri 2,7 faiz, istirahət, əyləncə və mədəniyyət xidmətləri 2,6 faiz, geyim və ayaqqabılar 0,5 faiz ucuzlaşıb.
