Almaniya yolçuları
2024-cü ilin Avropa futbol çempionatının seçmə mərhələsi 10 qrupda aparılıb, ilk iki yeri tutanlar finala çıxıb: A qrupundan İspaniya və Şotlandiya, B qrupundan Fransa və Niderland, C qrupundan İngiltərə və İtaliya, D qrupundan Türkiyə və Xorvatiya, E qrupundan Albaniya və Çexiya, F qrupundan Belçika və Avstriya, G qrupundan Macarıstan və Serbiya, H qrupundan Danimarka və Sloveniya, İ qrupundan Rumıniya və İsveçrə, J qrupundan Portuqaliya və Slovakiya.
Ev sahibi Almaniya final raunduna birbaşa dəvət alıb, daha 3 vəsiqə UEFA Millətlər Liqasının ən güclü komandalarına ayrılıb. Biletlər uğrunda Polşa, Uels, Finlandiya, Ukrayna, İslandiya, Estoniya, İsrail, Bosniya, Gürcüstan, Yunanıstan, Qazaxıstan, Lüksemburq mübarizə aparacaq.
1960-cı ildə SSRİ, 1964, 2008 və 2012-ci illərdə İspaniya, 1968 və 2021-ci illərdə İtaliya, 1972, 1980 və 1996-cı illərdə Almaniya (Qərbi Almaniya), 1976-cı ildə Çexoslovakiya, 1984 və 2000-ci illərdə Fransa, 1988-ci ildə Niderland, 1992-ci ildə Danimarka, 2004-cü ildə Yunanıstan, 2016-cı ildə Portuqaliya Avropa çempionu olub.
