Yığmalı tarixçə
Azərbaycanın milli futbol komandası beynəlxalq turnirlərə 1996-cı ilin Avropa çempionatının seçmə mərhələsindən qatılıb. Novator.az bildirir ki, milli həmin turnirdə 6 komandalıq qrupda sonuncu yeri tutub.
1998-ci ilin dünya çempionatının seçmə mərhələsini yığma 5 komanda arasında qrup sonuncusu kimi bitirib.
2000-ci ilin Avropa çempionatının seçmə turnirini Azərbaycan 6 komanda arasında 5-ci sırada başa vurub.
2002-ci ilin dünya çempionatının seçmə mərhələsində Azərbaycan 6 komanda arasında sonuncu olub.
2004-cü ilin Avropa çempionatının seçmə mərhələsində milli 5 komanda arasında son pilləni tutub.
2006-cı ilin dünya çempionatının seçmə mərhələsini milli komanda 6 komanda arasında axır sırada başa vurub.
2008-ci ilin Avropa çempionatının seçmə mərhələsində komanda 8 komanda arasında sonuncu olub.
2010-cu ilin dünya çempionatının seçmə mərhələsini milli 6 komanda arasında 5-ci sırada bitirib.
2012-ci ilin Avropa çempionatının seçmə mərhələsində yığma 6 komandalıq qrupda 5-ci olub.
2014-cü ilin dünya çempionatının seçmə mərhələsində milli 6 komanda arasında 4-cü yeri tutub.
2016-cı ilin Avropa çempionatının seçmə mərhələsində yığma 6 komanda arasında 5-ci olub.
2018-ci ilin dünya çempionatının seçmə mərhələsində milli 6 komanda arasında 5-ci yeri götürüb.
2018-ci ildə Millətlər Liqasının D divizionunda yığma 4 komandalıq qrupu 2-ci sırada bitirib.
2020-ci ilə təyin edilən, koronavirus pandemiyasına görə 2021-ci ildə keçirilmiş Avropa çempionatının seçmə mərhələsində milli 5 komandalıq qrupda sonuncu olub.
2020-ci ildə Millətlər Liqasının C divizionunda yarışan yığma 4 komandalıq qrupu 3-cü yerdə bitirib.
2022-ci ilin dünya çempionatının seçmə mərhələsində milli 5 komandalıq qrupu sonuncu pillədə tamamlayıb.
2022-ci ildə Millətlər Liqasının C divizionunda yarışan yığma 4 komandalıq qrupu 2-ci yerdə bitirib.
2024-cü ilin Avropa çempionatının seçmə mərhələsində yığma 5 komandalıq qrupda dördüncü olub.
Milli komandanın sükanı arxasında 1992-1993-cü illərdə Ələkbər Məmmədov, 1994-1995-ci illərdə Ağasəlim Mircavadov, 1995-1996-cı illərdə Kazbek Tuayev, 1997-1999-cu illərdə Vaqif Sadıqov, 1999-2000-ci illərdə Əhməd Ələsgərov, 2000-2001-ci illərdə İqor Ponomaryov, 2002-2004-cü illərdə Əsgər Abdullayev, 2004-2005-ci illərdə Karlos Alberto Torres, 2005-2007-ci illərdə Şahin Diniyev, 2008-2014-cü illərdə Berti Foqts, 2014-2017-ci illərdə Robert Prosineçki, 2017-2018-ci illərdə Qurban Qurbanov, 2019-cu ildə Nikola Yurçeviç dayanıb.
2020-ci il iyulun 10-dan italyan Canni De Byazi baş məşqçilik edir. Yığma onun rəhbərliyi ilə 28 rəsmi matç keçirib:
2020-ci ildə UEFA Millətlər Liqasının qrup raundu: Lüksemburq – 1:2 və 0:0, Kipr – 0:0 və 1:0, Monteneqro – 0:0 və 0:2.
2021-ci ildə dünya çempionatının seçmə mərhələsi: Portuqaliya – 0:3 və 0:1, Serbiya – 1:2 və 1:3, İrlandiya – 0:3 və 1:1, Lüksemburq – 1:3 və 1:2.
2022-ci ildə Millətlər Liqasının qrup mərhələsi: Qazaxıstan – 3:0 və 0:2, Belarus – 2:0, 0:0, Slovakiya – 0:1, 2:1.
2023-cü ildə Avropa çempionatının seçmə mərhələsi: Avstriya – 0:1 və 1:4, İsveç – 3:0 və 0:5, Estoniya – 1:1 və 2:0, Belçika – 0:1 və 0:5.
