Türkiyə parlamentində qüvvələr nisbəti
Türkiyədə ana müxalifət qurumunun – Cümhuriyyət Xalq Partiyasının 600 nəfərlik parlamentdə 130 mandatı var. Noyabrın 5-də partiyanın lideri dəyişib: Özgür Özəl qurultayda Kamal Kılıçdaroğlunu üstələyərək sədr seçilib.
1948-ci il təvəllüdlü Kamal Kılıçdaroğlu 2010-cu ildən partiya sədri idi.
1974-cü ildə doğulan Özgür Özəl əczaçılıq üzrə ali təhsil alıb. 2011-ci ildən parlamentin üzvüdür.
Novator.az bildirir ki, parlamentdə – Türkiyə Böyük Millət Məclisində hakim Ədalət və İnkişaf Partiyası 263 mandatla təmsil olunur.
Xalqların Bərabərlik və Demokratiya Partiyası 57, Milliyyətçi Hərəkat Partiyası 50, Yaxşı Partiya 44, Səadət Partiyası 20, Demokratiya və Sıçrayış Partiyası 15, Yenidən Rifah Partiyası 5, Hür Dava Partiyası 4, Türkiyə Fəhlə Partiyası 4, Demokrat Partiyası 3, Əmək Partiyası 2, Demokratik Bölgələr Partiyası 2, Demokratik Sol Partiya 1 mandata sahibdir.
Ədalət və İnkişaf Partiyasının lideri Rəcəb Teyyub Ərdoğan 2003-cü ildən baş nazirlik edib, 2014, 2018 və 2023-cü illərdə prezident seçilib.
