Valyuta ehtiyatı 10,5 milyard dolları ötüb
Mərkəzi Bank noyabrın 1-nə valyuta ehtiyatını 10 milyard 508,1 milyon dollar göstərib. Novator.az bildirir ki, 2023-cü il 8 milyard 995,7 milyon dollarla başlayıb, on ayda 1 milyard 512,4 milyon dollar artım qeydə alınıb.
2015-ci ilin əvvəlinə 13 milyard 758,3 milyon dollar valyuta ehtiyatı olub, ilin sonuna 5 milyard 16,7 milyon dollara enib.
2017-ci ilin əvvəlinə ehtiyat 3 milyard 974,4 milyon dollar, 2018-ci ilin əvvəlinə 5 milyard 334,6 milyon dollar, 2019-cu ilin əvvəlinə 5 milyard 625,7 milyon dollar, 2020-ci ilin əvvəlinə 6 milyard 258 milyon dollar, 2021-ci ilin əvvəlinə 6 milyard 369,4 milyon dollar, 2022-ci ilin əvvəlinə 7 milyard 75 milyon dollar həcmində rəsmiləşib.
