Valyutaların 10 ayı
Novator.az xarici valyutaların rəsmi məzənnələrinin yanvar-oktyabr aylarında necə dəyişməsinə nəzər salıb.
2023-cü ilə 1,8029 manatla start verən avronun yuxarı kursu yanvarda 1,8553, fevralda 1,8735, martda 1,8534, apreldə 1,8818, mayda 1,8837, iyunda 1,8680, iyulda 1,9128, avqustda 1,8692, sentyabrda 1,8439, oktyabrda 1,8072 manat olub.
0,6296 manatla yola çıxan Gürcüstan larisinin qiyməti yanvarda 0,6442, fevralda 0,6481, martda 0,6654, apreldə 0,6805, mayda 0,6856, iyunda 0,6552, iyulda 0,6622, avqustda 0,6521, sentyabrda 0,6504, oktyabrda 0,6382 manatı ötməyib.
İlə 0,0236 manatla başlayan Rusiya rublunun maksimum həddi yanvarda 0,0250, fevralda 0,0244, martda 0,0227, apreldə 0,0219, mayda 0,0223, iyunda 0,0211, iyulda 0,0192, avqustda 0,0185, sentyabrda 0,0181, oktyabrda 0,0183 manat göstərilib.
0,0907 manatla siftə eləmiş Türkiyə lirəsində zirvə yanvarda 0,0908, fevralda 0,0904, martda 0,0902, apreldə 0,0886, mayda 0,0874, iyunda 0,0819, iyulda 0,0655, avqustda 0,0641, sentyabrda 0,0637, oktyabrda 0,0620 manat olub.
Mərkəzi Bank 2015-ci ilin devalvasiyalarında ABŞ dollarının kursunu 0,7844 manatdan 1,5594 manata yüksəldib. 2016-cı ili 1,7707 manat, 2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Manat valyuta hərraclarında qorunur. Dövlət Neft Fondu Mərkəzi Bankın 2023-cü ilin doqquz ayında keçirdiyi valyuta hərraclarında 2 milyard 102,2 milyon ABŞ dolları məbləğində vəsait satıb. Yanvarda fonddan 188,5 milyon, fevralda 356,6 milyon, martda 383,9 milyon, apreldə 286 milyon, mayda 277,2 milyon, iyunda 78,9 milyon, iyulda 272,7 milyon, avqustda 93,9 milyon, sentyabrda 164,5 milyon dollar alınıb.
Analoji satış 2016-cı ildə 4,9 milyard, 2017-ci ildə 3,6 milyard, 2018-ci ildə 6,5 milyard, 2019-cu ildə 6,6 milyard, 2020-ci ildə 7,3 milyard, 2021-ci ildə 6,7 milyard, 2022-ci ildə 4,7 milyard dollar həcmində rəsmiləşib.
