Neftsiz ixrac hesabatı
İqtisadi İslahatların Təhlili və Kommunikasiya Mərkəzinin hesabatına görə, yanvar-sentyabr aylarında Azərbaycanın qeyri-neft sektoru üzrə ixracı 2022-ci ilin eyni dövrü ilə müqayisədə 10,6 faiz artaraq 2,4 milyard ABŞ dolları dəyərində rəsmiləşib. İxracın ilk üçlüyündə elektrik enerjisi (330,4 milyon dollar), pomidor (124,3 milyon dollar), qızıl (101,8 milyon dollar) göstərilir.
Qeyri-neft ixracında əsas beş ünvan belə sıralanır: Rusiya – 787,3 milyon dollar, Türkiyə – 631,8 milyon dollar, Gürcüstan – 240,4 milyon dollar, İsveçrə – 112,5 milyon dollar, Qazaxıstan – 78,1 milyon dollar.
