Monteneqroda yeni hökumət
Oktyabrın 31-i Monteneqroda yeni hökumət qurulub. Parlamentdən xeyir-dua alan hökumətdə baş nazir postunu “Avropa – indi!” hərəkatının lideri Miloyko Spaiç tutub. Novator.az bildirir ki, 1987-ci il təvəllüdlü Miloyko Spaiç 2020-2022-ci illərdə maliyyə və sosial təminat naziri vəzifəsində xidmət edib.
“Avropa – indi!” hərəkatı iyunun 11-də keçirilmiş parlament seçkisində 81 yerlik qanunverici orqana 24 mandat əldə edib və başqa siyasi qüvvələrlə koalisiyaya girib.
Prezident Yakov Milatoviç də “Avropa – indi!” hərəkatının təmsilçisidir.
