Bank sektorunun 9 ayı
Mərkəzi Bank yeni statistika yayıb. Novator.az bildirir ki, hesabata görə, oktyabrın 1-nə Azərbaycanda 22 milyard 281,9 milyon manat kredit, 12 milyard 705,5 milyon manat əmanət rəsmiləşib.
2023-cü il 19 milyard 594,4 milyon manat kredit, 11 milyard 743 milyon manat əmanətlə başlamışdı.
Bankların cəmi aktivləri 45 milyard 530,5 milyon manat, cəmi öhdəlikləri 39 milyard 539,1 milyon manat, doqquz aylıq xalis mənfəəti 832,9 milyon manat göstərilir.
Statistik bülletenə əsasən, oktyabrın 1-nə bank sektorunda 23530 nəfər çalışıb.
Yanvar-sentyabr aylarında problemli kreditlər 73,9 milyon manat azalıb. Qaytarılma vaxtı keçmiş kreditlərin məbləği yanvarın 1-nə 593,7 milyon manat, oktyabrın 1-nə 519,8 milyon manat olub.
