Neft Fondunun gəlir-çıxarı
Rəsmi açıqlamaya görə, 2023-cü il oktyabrın 1-nə Dövlət Neft Fondunun (DNF) aktivləri 55 milyard 524 milyon ABŞ dollarına bərabər olub. Doqquz aylıq gəlirlər 14 milyard 878,3 milyon manat, xərclər 3 milyard 587 milyon manat göstərilir.
Fondun 2023-cü il büdcəsində gəlirlər 16,3 milyard manat, xərclər 11,8 milyard manatdır.
Yanvar-sentyabr aylarında dövlət büdcəsinə 3 milyard 550 milyon manatın köçürüldüyü, ali təhsil sisteminin beynəlxalq rəqabətliliyi proqramına 10,8 milyon manat, gənclərin xarici ölkələrdə təhsili proqramına 6,1 milyon manat, DNF-nin idarə edilməsinə 20,1 milyon manat xərcləndiyi bildirilir.
Hesabata əsasən, valyuta məzənnələrinin dəyişməsindən yaranan fərqlə bağlı xərclər 257,8 milyon manat həddində rəsmiləşib.
