Xarici İşlər Nazirliyinin strukturu
Novator.az Xarici İşlər Nazirliyinin strukturuna nəzər salıb.
Xüsusi tapşırıqlar üzrə səfirlər; nazirin katibliyi; Kadrlar; Hüquqi Təminat; Maliyyə; Mətbuat Xidməti; Təşkilat-Nəzarət idarələri, Xarici İşlər Nazirliyinin Naxçıvan Muxtar Respublikasındakı İdarəsi birbaşa nazir Ceyhun Bayramova tabedir.
Nazir müavini Mahmud Məmməd-Quliyev Humanitar və Sosial Məsələlər; Beynəlxalq İnsan Hüquqları Təsisatları ilə Əməkdaşlıq idarələrinə kuratorluq edir.
Nazir müavini Araz Əzimov Hərbi-Siyasi Məsələlər; Regional Təhlükəsizlik; Təhlil və Strateji Araşdırmalar idarələrinə məsuldur.
Nazir müavini Fariz Rzayev Avropa; Dövlət Protokolu; Konsulluq idarələrinə, Azərbaycan Respublikasının Beynəlxalq İnkişafa Yardım İdarəsinə (Agentlik) rəhbərlik edir.
Nazir müavini Elnur Məmmədov Amerika; Asiya; Arxiv; Əmlakların İdarə Olunması və Xidmətlərin Təşkili; Xüsusi Rabitə Təminatı idarələrinin, YUNESKO üzrə Milli Komissiyanın Daimi Katibliyinin; Ümumi Katibliyin; xüsusi şöbənin kuratorudur.
Nazir müavini Samir Şərifov Beynəlxalq Hüquq və Müqavilələr; Şərqi Avropa, Cənubi Qafqaz, Qərbi və Mərkəzi Asiya; Linqvistik Təminat idarələrinə cavabdehdir.
Nazir müavini Yalçın Rəfiyev Beynəlxalq Təhlükəsizlik; İqtisadi Əməkdaşlıq; Yaxın Şərq və Afrika idarələrinin işinə nəzarətçidir.
