İki turdan sonra
UEFA Avropa Liqasının H qrupunda yarışan Azərbaycan təmsilçisi “Qarabağ” oktyabrın 5-də ikinci oyununu keçirib. İsveçdə “Haken”in qonağı olan komanda 1 cavabsız topla üstün gəlib.
“Molde”(Norveç) – “Bayer” (Almaniya) görüşü 1:2 hesabı ilə başa çatıb.
İki turdan sonra “Bayer” və “Qarabağ”ın 6 xalı var, “Molde” və “Haken” xalsızdır.
Qalan matçların təqvimi:
26 oktyabr
“Molde” – “Haken”
“Bayer” – “Qarabağ”
9 noyabr
“Haken” – “Molde”
“Qarabağ” – “Bayer”
30 noyabr
“Molde” – “Qarabağ”
“Haken” – “Bayer”
14 dekabr
“Bayer” – “Molde”
“Qarabağ” – “Haken”.
Qrupda birinci yeri tutan 1/8 finala, ikinci yeri tutan 1/16 finala vəsiqə alır, üçüncü yeri titan Konfrans Liqasının 1/16 finalına ələnir.
2023-2024 mövsümündə UEFA-nın klub turnirlərinə buraxılmış komandaların 96-sı mübarizəni davam etdirir: Çempionlar Liqası, Avropa Liqası və Konfrans Liqasının hər birində 32 komanda var.
Azərbaycan 55 üzvü olan UEFA-nın klub reytinqində 29-cu pillədə yer alır.
Klub reytinqi turnirlərin son beş mövsümündə qazanılan əmsala əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Qrup mərhələsi və sonrakı raundlar üçün 1-5 arası bonus xalları da verilir. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Azərbaycan bu mövsüm 3,625 əmsal əldə edib.
