Gürcüstan və Ermənistanda qiymətlər
Gürcüstanın Milli Statistika Xidməti bildirir ki, sentyabrda istehlak 2022-ci ilin eyni ayına nəzərən 0,7 faiz bahalaşıb. Spirtsiz içkilər və ərzaqda qiymət artımı 0,4 faiz, kommunal xidmətlərdə 5,1 faiz, spirtli içkilər və tütün məmulatlarında 5,6 faiz, mehmanxana və ictimai iaşə xidmətlərində 7 faiz göstərilir.
Hesabata görə, geyim və ayaqqabılar 1,5 faiz, rabitə xidmətləri 3 faiz, nəqliyyat xidmətləri 4,3 faiz, səhiyyə xidmətləri 4,7 faiz ucuzlaşıb.
Ermənistanın Statistika Komitəsi də inflyasiya bilgisi yayıb. Açıqlamaya əsasən, sentyabrda istehlak qiymətləri 2022-ci ilin eyni ayına nəzərən 0,1 faiz artıb, ərzaqda 3,1 faiz, rabitə xidmətlərində 0,4 faiz ucuzlaşma qeydə alınıb.
Alkoqollu içkilər və siqaretin 8,3 faiz, restoran və mehmanxana xidmətlərinin 5,3 faiz, geyim və ayaqqabıların 4,4 faiz, səhiyyə xidmətlərinin 2 faiz, kommunal xidmətlərin və nəqliyyat xidmətinin 1,3 faiz bahalaşdığı qeyd olunur.
