Türkiyə: bir ildə 61,53 faiz inflyasiya gedib
2023-cü ilin sentyabrında Türkiyədə istehlak qiymətləri ötən ilin eyni ayı ilə müqayisədə 61,53 faiz yüksəlib. Novator.az-ın məlumatına görə, hesabatı yayan Statistika Qurumu bildirir ki, sentyabrda 143 əsas mal, məhsul və xidmətin 128-də bahalaşma, 11-də ucuzlaşma rəsmiləşib, 4-də qiymət sabit qalıb.
Oktyabrın 3-də Azərbaycan Mərkəzi Bankı 100 Türkiyə lirəsini 6 manat 18 qəpiyə satır. Bu, 2023-cü ilin start kursundan 2 manat 89 qəpik aşağı qiymətdir.
Yanvar 9 manat 7 qəpik, fevral 9 manat 4 qəpik, mart 9 manat, aprel 8 manat 86 qəpik, may 8 manat 74 qəpik, iyun 8 manat 19 qəpik, iyul 6 manat 53 qəpik, avqust 6 manat 31 qəpik, sentyabr 6 manat 36 qəpik, oktyabr 6 manat 20 qəpiklə başlayıb.
2021-2022-ci illərdə 100 lirənin rəsmi məzənnəsi 22 manat 91 qəpikdən 9 manat 9 qəpiyə düşüb.
