Ermənistan: parlament təsdiqlədi, qaldı prezident
Ermənistan parlamenti oktyabrın 3-də Beynəlxalq Cinayət Məhkəməsinin Roma statutunu təsdiqləyib. Ölkə prezidenti qərarı imzalayandan sonra Ermənistan Beynəlxalq Cinayət Məhkəməsinin yurisduksiyasına daxil olacaq.
Novator.az xəbər verir ki, Beynəlxalq Cinayət Məhkəməsi 1998-ci il iyulun 17-də təsis olunub, 2022-ci il iyulun 1-dən rəsmən fəaliyyət göstərir.
Niderlandın Haaqa şəhərində yerləşən məhkəmə bu cinayətlərin araşdırılmasına məsuldur: soyqırımı, müharibə cinayətləri, insanlıq əleyhinə cinayətlər və təcavüz aktı.
Məhkəmənin təsisi haqqında beynəlxalq müqavilə İtaliyanın paytaxtında qəbul edildiyi üçün Roma statutu (nizamnaməsi) adlanır.
Roma statutunun təsdiqlənməsi Ermənistanın Rusiya ilə münasibətlərini kəskinləşdirə bilər.
2023-cü il martın 17-də Beynəlxalq Cinayət Məhkəməsi Rusiya prezidenti Vladimir Putinin həbsinə order verib. Səbəb yüzlərlə ukraynalı uşağın oğurlanıb Rusiyaya aparılmasıdır. İttiham aktına əsasən, bu hərbi cinayət Vladimir Putinin göstərişi ilə törədilib.
