“AzəriLayt” bu ay 11,27 dollar bahalaşıb
Energetika Nazirliyinin 28 sentyabr məlumatına görə, “AzəriLayt” markalı Azərbaycan neftinin barreli 102,70 dollara satılır. Novator.az bildirir ki, bu, ayın start qiymətindən 11,27 dollar yuxarı göstəricidir.
2023-cü ilin dövlət büdcəsində bir barrel neft 60 dollardan götürülüb. “AzəriLayt” yanvara 87,99, fevrala 87,53, marta 85,01, aprelə 81,88, maya 79,04, iyuna 75,05, iyula 78,85, avqusta 89,27, sentyabra 91,43 dollarla başlayıb.
Yanvar-avqust aylarında Azərbaycanda 20,3 milyon ton neft hasil edilib, ölkədən 11,2 milyard dollarlıq xam neft və xam neft məhsulu ixrac olunub. Gündəlik xam neft hasilatı yanvarda 533 min barrel, fevralda 531 min barrel, martda 515 min barrel, apreldə 512 barrel, may və iyunda 500 min barrel, iyulda 499 min barrel, avqustda 498 min barrel göstərilib.
Beynəlxalq razılaşma 2023-cü il üçün gündəlik hasilat həddini 684 min barrel, 2024-cü il üçün 551 min barrel müəyyən edib.
