Büdcə layihəsi necə yenilənib?
Nazirlər Kabineti 2024-cü ilin dövlət büdcəsi layihəsini yeniləyərək prezidentə göndərib. Maliyyə Nazirliyinin 26 sentyabr məlumatına görə, yenilənmiş layihədə gəlirlər 34 milyard 173 milyon manat, xərclər 36 milyard 763 milyon manat göstərilir. İlkin layihədə gəlir proqnozu 33 milyard 765 milyon manat, xərc proqnozu 36 milyard 355 milyon manat idi.
Büdcədə xam neftin bir barrelinin orta illik ixrac qiymətini 60 ABŞ dolları götürmək nəzərdə tutulur.
