UEFA-nın klub reytinqi
UEFA-nın klub turnirlərində qrup mərhələlərinin ilk turu geridə qalıb. Novator.az bildirir ki, 55 üzvü olan UEFA-nın klub reytinqinə İngiltərə başçılıq edir. İlk onluqda İspaniya, İtaliya, Almaniya, Niderland, Fransa, Portuqaliya, Belçika, Türkiyə və Şotlandiya da yer alır.
Azərbaycan 29-cu pillədə göstərilir.
2023-2024 mövsümünə buraxılmış komandaların 96-sı mübarizəni davam etdirir: Çempionlar Liqası, Avropa Liqası və Konfrans Liqasının hər birində 32 komanda var.
Azərbaycanın yeganə təmsilçisi – “Qarabağ” Avropa Liqasında yarışır.
Klub reytinqi turnirlərin son beş mövsümündə qazanılan əmsala əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Qrup mərhələsi və sonrakı raundlar üçün 1-5 arası bonus xalları da verilir. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Azərbaycan bu mövsüm 3,125 əmsal əldə edib. Türkiyə 7,250 əmsalla lideridir.
Mənbə: Kassiesa.net
