Yaxın ölkələrlə ticarət
Dövlət Gömrük Komitəsinin hesabatına görə, 2023-cü ilin yanvar-avqust aylarında Azərbaycandan Türkiyəyə 4 milyard 4,4 milyon dollarlıq məhsul göndərilib.
Novator.az bildirir ki, Rusiyaya ixrac 794,4 milyon, Gürcüstana ixrac 528,5 milyon dollar göstərilir.
Qazaxıstana 75,03 milyon, Türkmənistana 56,6 milyon, Ukraynaya 53,5 milyon, Latviyaya 30,2 milyon, Özbəkistana 29,8 milyon, Qırğızıstana 27,3 milyon, Belarusa 19,8 milyon, İrana 11,1 milyon, Estoniyaya 4,5 milyon, Tacikistana 4,06 milyon, Moldovaya 3,6 milyon, Litvaya 1,1 milyon dollarlıq ixrac qeydə alınıb.
Səkkiz ayda Azərbaycan Rusiyadan 1,9 milyard, Türkiyədən 1,5 milyard dollarlıq mal alıb.
Qalan yaxın ölkələr idxal dəyərinə görə belə sıralanır: Türkmənistan – 588,1 milyon dollar, İran – 304,4 milyon dollar, Belarus – 198,4 milyon dollar, Qazaxıstan – 181,6 milyon dollar, Ukrayna – 155,1 milyon dollar, Gürcüstan – 84,3 milyon dollar, Özbəkistan – 76,08 milyon dollar, Litva – 39,8 milyon dollar, Latviya – 13,6 milyon dollar, Estoniya – 3,9 milyon dollar, Moldova – 3,2 milyon dollar, Qırğızıstan – 2,4 milyon dollar, Tacikistan – 40,6 min dollar.
