Avropa Məhkəməsindən qərar anonsları
Avropa İnsan Hüquqları Məhkəməsi sentyabrın 21-də Azərbaycandan şikayətlər üzrə qərarlarını açıqlayacaq. Hüquqşünas Xalid Ağalıyevin yaydığı məlumata görə, jurnalistlər Natiq Cavadlı, Aytac Əhmədova və Aynur Qənbərovanın şikayətləri ölkədən çıxışlarına qadağa ilə bağlıdır.
Zaur Məmmədov və başqalarının, həmçinin Murad Muradovun ərizələrində inzibati qaydada cəzalardan şikayətlər yer alır.
Əliyev və Babayevin, Aşurov və başqalarının, Babayev və başqalarının, Vəliyevin şikayətləri üzrə də qərarların elanı gözlənir.
Fransanın Strasburq şəhərində yerləşən, hakimləri Avropa Şurasına üzv ölkələrdən seçilən Avropa Məhkəməsi Avropa İnsan Hüquqları Konvensiyasına riayət olunmasına nəzarət edir. Azərbaycan 1949-cu ildə yaradılmış Avropa Şurasına 2001-ci ildə qoşulub, 2002-ci ildən Avropa Məhkəməsinin təsir dairəsindədir.
