Makroiqtisadi hesabat
Dövlət Statistika Komitəsi makroiqtisadi göstəriciləri açıqlayıb. Novator.az bildirir ki, hesabata görə, yanvar-avqust aylarında kənd təsərrüfatının ümumi məhsulu 2022-ci ilin eyni dövrü ilə müqayisədə 3,3 faiz (heyvandarlıq məhsulları istehsalı 3,4 faiz, bitkiçilik məhsulları istehsalı 3,2 faiz) artıb.
Nəqliyyat sektorunda yük daşınması üzrə 6,5 faiz, sərnişin daşınması üzrə 16 faiz artımın qeydə alındığı vurğulanır.
İnformasiya və rabitə xidmətlərinin həcmində və əhalinin gəlirlərində (nominal ifadədə) artım 14,3 faiz, ictimai iaşə dövriyyəsində (real ifadədə) 21,9 faiz göstərilir.
Rəsmi məlumata əsasən, yanvar-avqust aylarında dövlət büdcəsinə 20 milyard 431,2 milyon manat daxil olub, büdcədən 20 milyard 649,7 milyon manat xərclənib.
Statistikaya görə, avqustun 1-nə ölkənin bank və digər kredit təşkilatlarının kredit portfeli milli valyuta ekvivalentində 22 milyard 41,9 milyon manat, əhalinin banklardakı əmanətlərinin milli valyuta ekvivalentində məbləği 12 milyard 705,5 milyon manat olub.
