Almaniya yolunda
2024-cü ilin Avropa futbol çempionatının seçmə mərhələsi 10 qrupda aparılır, final raunduna ilk iki yeri tutan milli komandalar çıxır. Novator.az bildirir ki, altı turdan sonra A qrupunda Şotlandiya və İspaniya, B qrupunda Fransa və Niderland, C qrupunda İngiltərə və İtaliya, D qrupunda Xorvatiya və Türkiyə, E qrupunda Albaniya və Çexiya, F qrupunda Belçika və Avstriya, G qrupunda Macarıstan və Serbiya, H qrupunda Sloveniya və Danimarka, İ qrupunda İsveçrə və Rumıniya, J qrupunda Portuqaliya və Slovakiya öndədir.
Ev sahibi Almaniya final raunduna birbaşa vəsiqə alıb, daha 3 vəsiqə UEFA Millətlər Liqasının ən güclü komandalarına ayrılıb.
1960-cı ildə SSRİ, 1964, 2008 və 2012-ci illərdə İspaniya, 1968 və 2021-ci illərdə İtaliya, 1972, 1980 və 1996-cı illərdə Almaniya, 1976-cı ildə Çexoslovakiya, 1984 və 2000-ci illərdə Fransa, 1988-ci ildə Niderland, 1992-ci ildə Danimarka, 2004-cü ildə Yunanıstan, 2016-cı ildə Portuqaliya Avropa çempionu olub.
