Dollar dayanacağı
Mərkəzi Bank sentyabrın 7-də ABŞ dollarının kursunu 1,7 manat həddində saxlayıb, qiymət sabitliyinin 5 il 6 ayı tamam olub.
Novator.az bildirir ki, 2015-ci ilin devalvasiyalarında dolların rəsmi məzənnəsi 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ilin fevralında maksimal qiymət qeydə alınıb: 1,92 manat. Həmin ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Manat valyuta hərraclarında qorunur. Dövlət Neft Fondu Mərkəzi Bankın 2016-2023-cü illərdə keçirdiyi valyuta hərraclarında 42,1 milyard ABŞ dolları məbləğində vəsait satıb.
