Valyuta ehtiyatı, pul bazası
Azərbaycan Mərkəzi Bankı sentyabrın 1-nə valyuta ehtiyatını 9 milyard 364,4 milyon dollar göstərib. Novator.az bildirir ki, 2023-cü il 8 milyard 995,7 milyon dollarla başlayıb, səkkiz ayda 368,7 milyon dollar artım qeydə alınıb.
Başqa hesabata görə, səkkiz ayda pul bazası 656,6 milyon manat artaraq sentyabrın 1-nə 18 milyard 116,9 milyon manat həddində rəsmiləşib. 2023-cü il 17 milyard 460,3 milyon manatla start götürüb.
Pul bazasına dövriyyədəki pul vəsaitləri, habelə kommersiya banklarının Mərkəzi Bankdakı müxbir hesablarında vəsaitləri daxildir.
