Türkiyə bir ildə nə qədər bahalaşıb?
2023-cü ilin avqustunda Türkiyədə istehlak qiymətləri ötən ilin eyni ayı ilə müqayisədə 58,94 faiz yüksəlib. Novator.az-ın məlumatına görə, hesabatı yayan Statistika Qurumu bildirir ki, ən böyük illik inflyasiya ictimai iaşə və mehmanxana xidmətində qeydə alınıb: 89,31 faiz.
İyul ayına nəzərən qiymət artımı 9,09 faiz göstərilir. Statistikaya əsasən, avqustda 143 əsas mal, məhsul və xidmətin 138-də bahalaşma, 1-də ucuzlaşma rəsmiləşib, 4-də qiymət sabit qalıb.
Azərbaycan Mərkəzi Bankı sentyabrın 4-də 100 Türkiyə lirəsini 6 manat 37 qəpiyə satır.
2023-cü il 9 manat 7 qəpiklə start götürüb, fevralın əvvəlində kurs 9 manat 4 qəpik, martın əvvəlində 9 manat, aprelin əvvəlində 8 manat 86 qəpik, mayın əvvəlində 8 manat 74 qəpik, iyunun əvvəlində 8 manat 19 qəpik, iyulun əvvəlində 6 manat 53 qəpik, avqustun əvvəlində 6 manat 31 qəpik, sentyabrın əvvəlində 6 manat 36 qəpik olub.
2021-2022-ci illərdə 100 lirənin rəsmi kursu 22 manat 91 qəpikdən 9 manat 9 qəpiyə düşüb.
