“Qarabağ”ın qrupdakı rəqibləri
Sentyabrın 1-də UEFA Avropa Liqasının 2023-2024 mövsümünün qrup mərhələsinin (21 sentyabr-14 dekabr) püşkü atılıb. Novator.az bildirir ki, Azərbaycan təmsilçisi “Qarabağ” H qrupunda “Bayer” (Almaniya), “Molde” (Norveç), “Haken” (İsveç) komandalarına rəqib olub.
1904-cü ildə yaradılan “Bayer” 1 dəfə Almaniya kubokuna, 1 dəfə UEFA kubokuna (indiki Avropa Liqası) sahib çıxıb.
1911-ci ildə təsis edilən “Molde” beşqat Norveç çempionudur, 5 dəfə ölkə kubokunu qazanıb.
1940-cı ildə qurulan “Haken” 1 dəfə İsveç çempionu olub, 3 dəfə ölkə kubokunu əldə edib.
Reqlamentə görə, qrupda birinci yeri tutan 1/8 finala, ikinci yeri tutan 1/16 finala vəsiqə alır, üçüncü yeri titan Konfrans Liqasının 1/16 finalına ələnir.
Mövsümə Çempionlar Liqasında başlayan “Qarabağ” ikinci raundda ələnib, Avropa Liqasına köçərək iki mərhələni dəf edib.
