Böyük 32-lər
UEFA Çempionlar Liqasının 2023-2024 mövsümündə ələmələr bitib. Novator.az bildirir ki, qrup raundunda (19 sentyabr-13 dekabr) 32 komanda yarışacaq: “Mançester Siti”, “Arsenal”, “Mançester Yunayted”, “Nyukasl” (İngiltərə), “Barselona”, “Real”, “Atletiko”, “Real Sosyedad”, “Sevilya” (İspaniya), “Napoli”, “Latsio”, “İnter”, “Milan” (İtaliya), “Bavariya”, “Borussiya” (Dortmund), “Leypsiq”, “Union Berlin” (Almaniya), PSJ, “Lans” (Fransa), “Benfika”, “Portu”, “Braqa” (Portuqaliya), “Feyenoord”, PSV (Niderland), “Zalsburq” (Avstriya), “Seltik” (Şotlandiya), “Srvena Zvezda” (Serbiya), “Şaxtyor” (Ukrayna), “Antverpen” (Belçika), “Yanq Boyz” (İsveçrə), “Kopenhagen” (Danimarka), “Qalatasaray” (Türkiyə).
1955-ci ildən keçirilən, 1991-ci ilə qədər Çempionlar kuboku adlanmış Çempionlar Liqasında indiki heyətdən “Real” 14, “Milan” 7, “Bavariya” 6, “Barselona” 5, “İnter” (İtaliya) və “Mançester Yunayted” 3, “Benfika” və “Portu” 2, “Seltik”, “Feyenoord”, PSV, “Srvena Zvezda”, “Borussiya” (Dortmund) və “Mançester Siti” 1 titula sahibdir.
