Cəza dəyişmədi
AXCP üzvü Pünhan Kərimovun cinayət işinə yenidən baxan Bakı Apellyasiya Məhkəməsi 5 illik həbs cəzasını qüvvədə saxlayıb. “Turan”ın məlumatına görə, qərar avqustun 29-da qəbul olunub.
Pünhan Kərimov 2018-ci il oktyabrın 8-də mühacirətə gedib, ancaq sığınacaq ala bilməyib, 2021-ci il noyabrın 24-də Almaniyadan Azərbaycana qaytarılıb.
2022-ci il yanvarın 25-i Bakıda həbs edilən Pünhan Kərimov satış məqsədi ilə qanunsuz olaraq külli miqdarda narkotik vasitə saxlamada təqsirli bilinib. İyulun 27-də Bakı Ağır Cinayətlər Məhkəməsi ona 6 il azadlıqdan məhrumetmə cəzası kəsib, oktyabrın 3-də Bakı Apellyasiya Məhkəməsi cəzanı 5 ilə endirib.
2023-cü il mayın 16-da Ali Məhkəmə Pünhan Kərimovun şikayətinə baxaraq işi Bakı Apellyasiya Məhkəməsinə qaytarıb.
