Lirə bahalaşdı
Azərbaycan Mərkəzi Bankı avqustun 25-də 100 Türkiyə lirəsinin kursunu 6 manat 56 qəpiyə qaldırıb. Avqustun 21-dən lirə banklara 6 manat 25 qəpiyə satılırdı.
Novator.az bildirir ki, 100 lirə 2023-cü ilə 9 manat 7 qəpiklə start verib, fevralın əvvəlində 9 manat 4 qəpiyə, martın əvvəlində 9 manata, aprelin əvvəlində 8 manat 86 qəpiyə, mayın əvvəlində 8 manat 74 qəpiyə, iyunun əvvəlində 8 manat 19 qəpiyə, iyulun əvvəlində 6 manat 53 qəpiyə, avqustun əvvəlində 6 manat 31 qəpiyə düşüb.
2021-2022-ci illərdə 100 lirə 22 manat 91 qəpikdən 9 manat 9 qəpiyə qədər ucuzlaşıb.
Avqustun 24-də Türkiyənin Mərkəzi Bankı uçot dərəcəsini 25 faizə qaldırıb.
Uçot dərəcəsi banklara verilən borclar üzrə faiz dərəcəsidir.
İyunun 22-də uçot dərəcəsi 8,5 faizdən 15 faizə yüksəlmiş, iyulun 20-dən 17,5 faiz həddi qüvvəyə minmişdi.
Qərarlar Türkiyə lirəsinin dəyər itirməsini dayandırmağa yönəlib. Hazırda ABŞ dollarının rəsmi qiyməti 27,1 lirəni ötür.
