Azərbaycanın əsas ticarət tərəfdaşları
2023-cü ilin yanvar-iyul aylarında Azərbaycandan İtaliyaya 9,3 milyard dollar dəyərində məhsul ixrac olunub.
Novator.az Dövlət Gömrük Komitəsinə istinadla bildirir ki, Türkiyəyə 3,4 milyard dollarlıq ixrac qeydə alınıb.
Qalan əsas ixrac ünvanları belə sıralanıb: Yunanıstan – 946,2 milyon dollar, İsrail – 827,3 milyon dollar, Rusiya – 711,5 milyon dollar, Hindistan – 668,3 milyon dollar, İspaniya – 654,7 milyon dollar, Çexiya – 525,08 milyon dollar, Gürcüstan – 456,2 milyon dollar, Rumıniya – 430,4 milyon dollar, Almaniya – 427,7 milyon dollar, İrlandiya – 367,9 milyon dollar, Xorvatiya – 306,5 milyon dollar, Bolqarıstan – 212,7 milyon dollar, Vyetnam – 165,1 milyon dollar.
İdxal tərəfdaşları siyahısında Rusiya 1,7 milyard dollarla birinci, Çin 1,5 milyard dollarla ikinci, Türkiyə 1,3 milyard dollarla üçüncü yerdə göstərilir.
Rəsmi hesabata əsasən, Almaniyadan 550,2 milyon, Türkmənistandan 515,2 milyon, Fransadan 316,9 milyon, ABŞ-dan 284,9 milyon, İrandan 269,4 milyon, İtaliyadan 251,6 milyon, Cənubi Koreyadan 234,6 milyon, Yaponiyadan 234,5 milyon, Böyük Britaniyadan 181,8 milyon, Belarusdan 175,1 milyon, Qazaxıstandan 169,3 milyon, Ukraynadan 135,7 milyon dollarlıq məhsul alınıb.
