Səfər gündəliyi
Prezident İlham Əliyev və birinci vitse-prezident Mehriban Əliyeva avqustun 20-də Macarıstana səfər ediblər. AZƏRTAC xəbər verir ki, dövlət başçısı paytaxt Budapeştdə Macarıstanın baş naziri Viktor Orban, Bosniya və Herseqovinanın Rəyasət Heyətinin üzvü Jelka Sviyanoviç və Serb Respublikasının prezidenti Milorad Dodiklə görüşlər keçirib.
Həmin gün İlham Əliyev, Mehriban Əliyeva, Viktor Orban, Jelka Sviyanoviç, Türkiyə prezidenti Rəcəb Teyyub Ərdoğan, Serbiya prezidenti Aleksandr Vuçiç, Özbəkistan prezidenti Şövkət Mirziyayev, Türkmənistan prezidenti Sərdar Berdiməhəmmədov, Qırğızıstan prezidenti Sadır Japarov, Qətərin əmiri Şeyx Təmim bin Həməd Al Tani, Rusiyanın Tatarıstan Respublikasının rəisi Rüstəm Minnixanov Milli Atletika Mərkəzində atletika üzrə dünya çempionatının bir final yarışını izləyiblər.
İlham Əliyev və Mehriban Əliyeva Macarıstanın milli bayramı – Müqəddəs Stefan Günü münasibətilə verilən ziyafətdə də iştirak ediblər.
