Nöqtə ərəfəsi
UEFA Çempionlar Liqasının 2023-2024 mövsümündə son təsnifat mərhələsinin iştirakçıları bəllidir. Novator.az bildirir ki, çempionlar yolundan qrup raunduna 4 vəsiqəyə bu cütlüklər iddia edir: “Makkabi” (Hayfa, İsrail) – “Yanq Boyz” (İsveçrə), “Antverpen” (Belçika) – AEK (Yunanıstan), “Molde” (Norveç) – “Qalatasaray” (Türkiyə), “Rakov” (Polşa) – “Kopenhagen” (Danimarka).
2 vəsiqəlik liqalar yolunda bu cütlüklər yarışır: “Braqa” (Portuqaliya) – “Panatinaikos” (Yunanıstan), “Reyncers” (Şotlandiya) – PSV (Niderland).
26 komanda rəqiblərini qrup mərhələsində gözləyir: “Mançester Siti”, “Arsenal”, “Mançester Yunayted”, “Nyukasl” (İngiltərə), “Barselona”, “Real”, “Atletiko”, “Real Sosyedad”, “Sevilya” (İspaniya), “Napoli”, “Latsio”, “İnter”, “Milan” (İtaliya), “Bavariya”, “Borussiya” (Dortmund), “Leypsiq”, “Union Berlin” (Almaniya), PSJ, “Lans” (Fransa), “Benfika”, “Portu” (Portuqaliya), “Feyenoord” (Niderland), “Zalsburq” (Avstriya), “Seltik” (Şotlandiya), “Srvena Zvezda” (Serbiya), “Şaxtyor” (Ukrayna).
Bu mövsüm UEFA-nın klub turnirlərinə 234 komanda buraxılıb. 116 komanda ələnəndən sonra Çempionlar Liqasında 38, Avropa Liqasında 36, Konfrans Liqasında 44 komanda qalır.
