Latviyada hökumət dəyişir
Latviyanın baş naziri Krişyanis Karinş avqustun 17-də prezident Edqars Rinkeviçsə istefa ərizəsi təqdim edib. Bu, hökumətin də istefaya getməsi deməkdir.
Novator.az bildirir ki, Yeni Birlik Partiyasının lideri olan 1964-cü il təvəllüdlü Krişyanis Karinş baş nazir postunu 2019-cu il yanvarın 23-dən tutub. O, istefaya gedəcəyini avqustun 16-da bəyan etmişdi.
Latviyada hökumət proporsional üsulla formalaşan 100 nəfərlik Seymə seçkinin nəticələri əsasında qurulur. 2022-ci il oktyabrın 1-də keçirilmiş parlament seçkisində qanunverici orqana 8 siyasi qüvvə düşüb: Yeni Birlik Partiyası, Yaşıllar və Kəndlilər İttifaqı, Birləşmiş Siyahı bloku, Milli İttifaq bloku, Sabitlik bloku, Mütərəqqilər bloku, Öncə Latviya bloku, İnkişaf bloku.
Mənbə: Baltictimes.com
