Yaxın ölkələrlə alış-veriş
Dövlət Gömrük Komitəsinin hesabatına görə, 2023-cü ilin yanvar-iyul aylarında Azərbaycandan Türkiyəyə 3,4 milyard dollarlıq məhsul göndərilib.
Novator.az bildirir ki, Rusiyaya ixrac 711,5 milyon, Gürcüstana ixrac 426,2 milyon dollar göstərilir.
Qazaxıstana 68,6 milyon, Türkmənistana 52,7 milyon, Ukraynaya 44,08 milyon, Latviyaya 29,6 milyon, Özbəkistana 26,6 milyon, Qırğızıstana 19,4 milyon, Belarusa 17,5 milyon, İrana 10,4 milyon, Estoniyaya 4,1 milyon, Moldovaya 3,4 milyon, Tacikistana 2,3 milyon, Litvaya 1,04 milyon dollarlıq ixrac qeydə alınıb.
Yeddi ayda Azərbaycan Rusiyadan 1,7 milyard, Türkiyədən 1,3 milyard dollarlıq mal alıb.
Qalan yaxın ölkələr idxal dəyərinə görə belə sıralanır: Türkmənistan – 515,2 milyon dollar, İran – 269,4 milyon dollar, Belarus – 175,1 milyon dollar, Qazaxıstan – 169,3 milyon dollar, Ukrayna – 135,7 milyon dollar, Özbəkistan – 65,7 milyon dollar, Gürcüstan – 64,1 milyon dollar, Litva – 15,2 milyon dollar, Latviya – 11,6 milyon dollar, Estoniya – 3,8 milyon dollar, Moldova – 2,8 milyon dollar, Qırğızıstan – 2,2 milyon dollar, Tacikistan – 40,5 min dollar.
