Mərkəzi Bankın pul siyasəti icmalı
Mərkəzi Bank yarım illik pul siyasəti icmalı yayıb. Hesabata görə, 2023-cü ilin yanvar-iyun aylarında nağdsız valyuta bazarında əməliyyatların həcmi 13,4 milyard ABŞ dollarına bərabər olub, onların 79,5 faizi ABŞ dollarında aparılıb.
Statistikaya əsasən, bankların nağd xarici valyuta üzrə əməliyyatlarının həcmi 2022-ci ilin ilk yarısına nəzərən 29 faiz azalaraq 1,8 milyard ABŞ dolları ekvivalentində olub, bunun 84 faizi ABŞ dolları ilə əməliyyatların payına düşüb.
Yarım ildə manatın məzənnəsinin Türkiyə lirəsi, Rusiya rublu, Yaponiya yeni, Çin yuanına qarşı yüksəldiyi, avro, İngiltərə funt sterlinqi, Qazaxıstan təngəsi, İsveçrə frankı, Gürcüstan larisinə qarşı düşdüyü vurğulanır.
Açıqlamaya əsasən, 2023-cü ilin əvvəlindən manatın real effektiv məzənnəsi 6,1 faiz möhkəmlənib.
