İş və işsizlik statistikası
Dövlət Statistika Komitəsi 2023-cü il avqustun 1-nə iqtisadi fəal əhalinin (Rusiya hərbçilərinin nəzarətində olan ərazidəki əhali çıxılmaqla) 4 milyon 942,8 min nəfərini məşğul şəxslər kimi göstərib.
Hesabata görə, iyulun 1-nə 1 milyon 725,5 min nəfər muzdlu işçi qeydə alınıb.
Novator.az bildirir ki, işsiz kimi rəsmiləşən şəxslərin sayı avqustun 1-nə 249,5 min nəfər olub, onların 2437-nə işsizlikdən sığorta ödənişi verilib.
Yanvar-iyun aylarında ölkədə 38,9 min yeni iş yerinin açıldığı, 8,1 min iş yerinin bağlandığı vurğulanır.
“İşsizlikdən sığorta haqqında” qanuna görə, əmək münasibətlərinə əmək müqaviləsinin müddətinin bitməsi əsasları ilə xitam verilmiş şəxslərə ödəniş üçün onların müddətli əmək müqaviləsi üzrə ən azı 2 il 6 ay fasiləsiz iş stajı olmalıdır. Sığorta ödənişi minimum əməkhaqqı qədər ödənir.
Dövlət orqanı və ya hüquqi şəxs ləğvi edildikdə, işçilərin və ya dövlət qulluqçularının sayı və ya ştatları ixtisar edildikdə işsizlikdən sığorta ödənişi üçün azı 1 il sığorta stajı tələb olunur və ödəniş işçinin itirilmiş orta aylıq əməkhaqqının 50 faizi məbləğində hesablanır.
