Makroiqtisadi statistika
Dövlət Statistika Komitəsi makroiqtisadi hesabat yayıb. Rəsmi məlumata görə, yanvar-iyul aylarında kənd təsərrüfatının ümumi məhsulu 2022-ci ilin eyni dövrü ilə müqayisədə 3,3 faiz artıb (heyvandarlıq məhsulları istehsalı 3,4 faiz, bitkiçilik məhsulları istehsalı 3,2 faiz).
Nəqliyyat sektorunda yük daşınmasının 6,5 faiz, sərnişin daşınmasının 16,3 faiz yüksəldiyi vurğulanır.
İnformasiya və rabitə xidmətlərinin həcmində artım 13,7 faiz, ictimai iaşə dövriyyəsində artım 22,4 faiz, əhalinin gəlirlərində artım 14,8 faiz göstərilir.
Yanvar-iyul aylarında dövlət büdcəsinə 18 milyard 766,6 milyon manatın daxil olduğu, büdcədən 17 milyard 620,5 milyon manatın xərcləndiyi xəbər verilir.
Hesabata əsasən, iyulun 1-nə ölkənin bank və digər kredit təşkilatlarının kredit portfeli milli valyuta ekvivalentində 21 milyard 966,2 milyon manat, əhalinin banklardakı əmanətlərinin milli valyuta ekvivalentində məbləği 12 milyard 748,8 milyon manat olub.
