Latviyanın baş naziri istefaya gedir
Latviyanın baş naziri Krişyanis Karinş avqustun 14-də istefa bəyanatı verib. O, ərizəsini prezidentə avqustun 17-də təqdim edəcəyini açıqlayıb.
Yeni Birlik Partiyasının lideri olan 1964-cü il təvəllüdlü Krişyanis Karinş baş nazir postunu 2019-cu il yanvarın 23-dən tutur.
Latviyada hökumət proporsional üsulla formalaşan 100 nəfərlik Seymə seçkinin nəticələri əsasında qurulur. 2022-ci il oktyabrın 1-də keçirilmiş parlament seçkisində qanunverici orqana 8 siyasi qüvvə düşüb: Yeni Birlik Partiyası, Yaşıllar və Kəndlilər İttifaqı, Birləşmiş Siyahı bloku, Milli İttifaq bloku, Sabitlik bloku, Mütərəqqilər bloku, Öncə Latviya bloku, İnkişaf bloku.
Latviyaya 1973-cü il təvəllüdlü Edqars Rinkeviçs prezidentlik edir. Seymin bu il mayın 31-də seçdiyi dövlət başçısı səlahiyyətlərinin icrasına iyulun 8-də başlayıb.
Mənbə: Reuters.com
