Xəbərlər yüklənir ...
Mərkəzi Bankın 10 avqust məlumatına görə, “Azərbaycan Respublikasının rezidentlərinin xarici valyutada, habelə qeyri-rezidentlərin milli və xarici valyutada əməliyyatlarının aparılması qaydaları” yenilənib. Qeyd olunur ki, fiziki şəxslərin şəxsi məqsədlər üçün ölkə xaricinə köçürdükləri məbləğlər üzrə gündəlik limitlər ləğv edilib, köçürmə formasından (hesab açmadan və ya hesab vasitəsilə) asılı olmayaraq 20000 ABŞ dolları ekvivalentinədək aylıq limit müəyyən edilib, həmçinin fiziki şəxslərin təkcə özünün deyil, başqa şəxslərin də xaricə səfərləri ilə bağlı nəqliyyat və hotel (gecələmə) xərclərini ödəmək imkanı nəzərdə tutulub.
O da bildirilir ki, idxal olunan mallar üzrə köçürmələr zamanı sənədləşmə prosesi sadələşdirilib, ticarət vasitəçiliyi əməliyyatlarında vasitəçinin satıcıya 180 günədək avans ödənişi həyata keçirməsi imkanı müəyyən edilib.
Həmçinin rezident fiziki şəxslər ölkə hüdudlarından kənarda təqvim ayı ərzində 10000 ABŞ dolları ekvivalentinədək məbləğdə pul vəsaitini nağdılaşdıra bilər.