Qiymət 12,2 faiz, maaş 11,5 faiz artıb
Dövlət Statistika Komitəsi qiymət və maaş hesabatları yayıb. Novator.az bildirir ki, rəsmi açıqlamaya görə, yanvar-iyul aylarında istehlak qiymətləri 2022-ci ilin eyni dövrünə nəzərən 12,2 faiz artıb, ərzaq məhsulları, içkilər və tütün məmulatları 14,3 faiz, qeyri-ərzaq məhsulları 11 faiz, ödənişli xidmətlər 10,4 faiz bahalaşıb.
Pərakəndə ticarət dövriyyəsində alınan mallara xərclənən vəsaitin 52 faizinin ərzaq məhsullarının, 4,4 faizinin içkilər və tütün məmulatlarının payına düşdüyü vurğulanır.
Qeyd olunur ki, ölkə iqtisadiyyatında muzdla çalışan işçilərin orta aylıq nominal əməkhaqqı 2023-cü il iyulun 1-nə 921,9 manata çatıb, ötən ilin eyni dövrü ilə müqayisədə 11,5 faiz artım qeydə alınıb.
