Xanım başçı postdan getdi
Mahirə İsmayıl qızı Adnayeva Sədərək Rayon İcra Hakimiyyətinin başçısı vəzifəsindən azad edilib. Prezident İlham Əliyev sərəncamı avqustun 9-da imzalayıb.
Novator.az bildirir ki, Mahirə Adnayeva Sədərək Rayon İcra Hakimiyyətinin başçısı postunu 2021-ci il oktyabrın 6-dan tuturdu.
Azərbaycanın rayonları, şəhərləri, şəhər rayonlarında icra hakimiyyətinin başçısı vəzifəsi 1991-ci il oktyabrın 18-də prezident fərmanı ilə yaradılıb. İndiyədək daha 5 qadın icra başçısı olub: Dilrubə Camalova – Lənkəran Şəhər İcra Hakimiyyətinin başçısı (1993-2000); Sədaqət Qəhrəmanova – Əli Bayramlı (indiki Şirvan) Şəhər İcra Hakimiyyətinin başçısı (1995-2005); Səmayə Piriyeva – Sabirabad Rayon İcra Hakimiyyətinin başçısı (1999-2000); Fidumə Hüseynova – Binəqədi Rayon İcra Hakimiyyətinin başçısı (2003-2005); İradə Gülməmmədova – Abşeron Rayon İcra Hakimiyyətinin başçısı (2015-2022).
