Nazim Sabiroğlu baş redaktor təyin olundu
Nazim Sabiroğlu avqustun 7-də “Yeni Müsavat” qəzetinin baş redaktoru təyin edilib.
1971-ci il noyabrın 8-i Şuşa şəhərində doğulan Nazim Sabiroğlu Bakı Dövlət Universitetinin filologiya fakültəsini bitirib. “525-ci qəzet”in və “Detektiv” qəzetinin əməkdaşı olub. 2001-ci ildən “Yeni Müsavat” qəzetində çalışır, 2005-ci ildən redaktor postunda idi.
Rauf Arifoğlunun rəhbərlik etdiyi Yeni Müsavat Media Qrupuna daxil olan “Yeni Müsavat” qəzetinin əsası 1989-cu ildə qoyulub. Qəzet həftədə beş dəfə (ikinci, üçüncü, dördüncü, beşinci, altıncı günlər) çıxır.
