Çempionlar Liqasında hansı komandalar var?
UEFA Çempionlar Liqasının 2023-2024 mövsümündə beş təsnifat mərhələsinin üçü arxada qalıb, 30 komanda ələnib. Novator.az bildirir ki, hazırda çempionlar yolundan qrupa 4 vəsiqəyə 14 komanda iddia edir: “Makkabi” (Hayfa, İsrail), “Rakov” (Polşa), “Slovan” (Slovakiya), “Olimpiya” (Sloveniya), “Klaksvik” (Farer adaları), “Molde” (Norveç), “Kopenhagen” (Danimarka), “Dinamo” (Xorvatiya), “Qalatasaray” (Türkiyə), “Aris” (Kipr), AEK (Yunanıstan), “Sparta” (Çexiya), “Antverpen” (Belçika), “Yanq Boyz” (İsveçrə).
2 vəsiqəlik liqalar yolunda 8 komanda yarışır: “Servett” (İsveçrə), “Panatinaikos” (Yunanıstan), “Marsel” (Fransa), “Braqa” (Portuqaliya), PSV (Niderland), “Şturm” (Avstriya), “Reyncers” (Şotlandiya), TSÇ (Serbiya).
26 komanda qrup mərhələsinə birbaşa bilet götürüb: “Mançester Siti”, “Arsenal”, “Mançester Yunayted”, “Nyukasl” (İngiltərə), “Barselona”, “Real”, “Atletiko”, “Real Sosyedad”, “Sevilya” (İspaniya), “Napoli”, “Latsio”, “İnter”, “Milan” (İtaliya), “Bavariya”, “Borussiya” (Dortmund), “Leypsiq”, “Union Berlin” (Almaniya), PSJ, “Lans” (Fransa), “Benfika”, “Portu” (Portuqaliya), “Feyenoord” (Niderland), “Zalsburq” (Avstriya), “Seltik” (Şotlandiya), “Srvena Zvezda” (Serbiya), “Şaxtyor” (Ukrayna).
1955-ci ildən keçirilən, 1991-ci ilə qədər Çempionlar kuboku adlanmış Çempionlar Liqasında indiki heyətdən “Real” 14, “Milan” 7, “Bavariya” 6, “Barselona” 5, “İnter” (İtaliya) və “Mançester Yunayted” 3, “Benfika” və “Portu” 2, “Seltik”, “Feyenoord”, PSV, “Srvena Zvezda”, “Marsel”, “Borussiya” (Dortmund) və “Mançester Siti” 1 titula sahibdir.
