Azərbaycan komandalarının mümkün rəqibləri
Avqustun 7-si UEFA-nın klub turnirlərində son ələmə raundlarının püşkü atılıb. Novator.az bildirir ki, Azərbaycanın “Qarabağ” komandası Avropa Liqasının ilk təsnifatında HİK-i (Finlandiya) keçsə, ikinci mərhələdə “Olimpiya” (Sloveniya) və “Qalatasaray” (Türkiyə) komandalarından birinə rəqib olacaq.
Ələnəcəyi halda Konfrans Liqasına köçən “Qarabağ” son ələmə mərhələsində ya “Farul” (Rumıniya), ya da “Flora” (Estoniya) ilə üz-üzə gələcək.
Konfrans Liqasında ölkəni iki komanda təmsil edir. Üçüncü mərhələdə “Neftçi”nin rəqibi “Beşiktaş” (Türkiyə), “Sabah”ın rəqibi “Partizan”dır (Serbiya). Raundu adlasa, “Neftçi” ya Yunanıstandan “Aris”, ya da Ukraynadan “Dinamo”, “Sabah” ya Rumıniyadan “Styaua”, ya da Danimarkadan “Nordsyaelland” ilə görüşəcək.
2023-2024 mövsümünə Çempionlar Liqasının birinci mərhələsində start verən “Qarabağ” ikinci mərhələdə ələnib.
Konfrans Liqasındakı təmsilçilər turnirə ikinci mərhələdən qoşulublar, “Qəbələ” raundu keçə bilməyib.
