Gürcüstanın inflyasiya statistikası
İyulda Gürcüstanda istehlakın dəyəri 2022-ci ilin eyni ayına nəzərən 0,3 faiz artıb, spirtsiz içkilər və ərzaq 0,7 faiz bahalaşıb.
Geyim və ayaqqabılar, kommunal xidmətlər üzrə qiymət artımı 1,2 faiz, mebel və məişət əşyaları üzrə 4,9 faiz, təhsil sektoru üzrə 6,3 faiz, alkoqollu içkilər və tütün məmulatları üzrə 6,9 faiz, mehmanxana və ictimai iaşə xidmətləri üzrə 9,7 faiz göstərilir.
Novator.az-ın məlumatına görə, hesabatı yayan Milli Statistika Xidməti bildirir ki, istirahət, əyləncə, mədəniyyət sektorunda 0,3 faiz, rabitə sektorunda 3 faiz, səhiyyə xidmətlərində 6,9 faiz, nəqliyyat sahəsində 12,1 faiz ucuzlaşma qeydə alınıb.
Mənbə: Geostat.ge
