Ermənistanda ərzaq 3,9 faiz ucuzlaşıb
Ermənistanın Statistika Komitəsi inflyasiya hesabatı yayıb. Novator.az bildirir ki, açıqlamaya görə, iyulda istehlak qiymətləri 2022-ci ilin eyni ayına nəzərən 0,1 faiz enib, ərzaq 3,9 faiz, nəqliyyat xidməti 1,7 faiz, rabitə xidməti 0,5 faiz ucuzlaşıb.
Ötən ilin iyul ayı ilə müqayisədə alkoqollu içkilər və siqaretin 8,5 faiz, restoran və mehmanxana xidmətlərinin 5,5 faiz, geyim və ayaqqabıların 4,8 faiz, istirahət və əyləncə xidmətlərinin 2,7 faiz, səhiyyə xidmətlərinin 2,6 faiz, kommunal xidmətlərin 1,6 faiz bahalaşdığı qeyd olunur.
2023-cü ilin yanvar-iyun aylarında istehlak qiymətləri 2022-ci ilin ilk yarısına nisbətən 12,7 faiz artıb, ərzaq məhsulları, içkilər və tütün məmulatları 15,1 faiz, qeyri-ərzaq məhsulları 11,4 faiz, ödənişli xidmətlər 10,5 faiz bahalaşıb.
