84 itki var
2023-2024 mövsümündə UEFA-nın klub turnirlərinə 234 komanda buraxılıb. Novator.az bildirir ki, Çempionlar Liqasında üç, Konfrans Liqasında iki raundun ardından 84 komanda mübarizəni dayandırıb (Rusiya yarışlardan kənardır, Lixtenşteyn, Şimali İrlandiya, Uels, Monteneqro və San Marino təmsilçisiz qalıb).
Avropa Liqası hələ start götürməyib.
Azərbaycan mövsümə 4 komanda ilə başlayıb. “Qarabağ” Çempionlar Liqasının birinci mərhələsində start götürərək ikinci raundda uduzub, Avropa Liqasına köçüb.
Konfrans Liqasındakı Azərbaycan təmsilçiləri turnirə ikinci mərhələdən qoşulub. “Qəbələ” ələnib, “Sabah” və “Neftçi” üçüncü mərhələyə vəsiqə alıb.
Çempionlar Liqasında 48, Avropa Liqasında 33, Konfrans Liqasında 69 komanda var.
55 üzvü olan UEFA-nın klub reytinqində Azərbaycan 29-cu pillədə qərar tutur.
Reytinq klub turnirlərində son beş mövsümdə qazanılan əmsala əsaslanır. Təsnifat mərhələlərində qələbə 1 xal, heç-heçə yarım xal, sonrakı raundlarda qələbə 2 xal, heç-heçə 1 xaldır. Qrup mərhələsi və sonrakı raundlar üçün 1-5 arası bonus xalları da var. Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Azərbaycan bu mövsüm 1,500 əmsal əldə edib.
